Flugbjörgunarsveitin á Hellu og Akstursíþróttanefnd Umf. Heklu héldu Sindratorfæruna í dag með pompi og pragt í blíðskaparveðri á Hellu
Það var Geir Evert Grímsson á Sleggjunni sem hreppti Helluna með því að standa efstur að stigum eftir daginn. Hann sýndi flott tilþrif og ók öruggt í gegnum alla keppnina auk þess að klára ána og mýrina með stæl.
Aðrir ökumenn sýndu einnig flott tilþrif. Aron Ingi Svansson á Stormi hreppti tilþrifaverðlaunin í sérútbúna flokknum eftir mikla flugsýningu í brautunum og frábæra björgun frá veltu í tímabraut. Jakob Nielsen Kristjánsson á Pjakknum í götubílaflokk setti flokkinn á annað level og lét vaða á barðið í fyrstu braut og flaug bókstaflega upp og fékk tilþrifaverðlaunin að launum. Haukur Viðar Einarsson á Heklu náði mesta hraðanum á ánni, 98 km/klst og var 4 km/klst frá heimsmetinu.
Íslandmeistarinn og heimsmetshafinn Þór Þormar Pálsson náði sér ekki á strik en sýndi frábæra takta og velti, eins og honum einum er lagið. Óskar Jónsson á Úlfinum kom sá og sigraði í götubílaflokk í sinni fyrstu keppni á nýsmíðuðum bíl, það verður að teljast góður árangur. Bresku hetjurnar frá Top Gear þeir Cristopher Harris og Freddie Flintoff enduðu ofan við miðju sem verður að teljast þokkalegt enda báðir í sinni fyrstu keppni og annar þeirra settist fyrst undir stýri 30 mínútum fyrir keppni.
Önnur úrslit voru þannig:
1 sæti 1382 Óskar Jónsson Úlfurinn
2 sæti 1365 Steingrímur Bjarnason Strumpurinn
3 sæti 1151 Jakob Nielsen Kristjánsson Pjakkurinn
4 sæti 335 Jakob Pálsson Hulk
1 sæti 1774 Geir Evert Grímsson Sleggjan
2 sæti 1712 Ingólfur Guðvarðarsson Guttinn
3 sæti 1638 Haukur Viðar Einarsson Hekla
4 sæti 1277 Ásmundur Ingjaldsson Bomban
5 sæti 1125 Þór Þormar Pálsson Thor
6 sæti 1051 Cristopher Harris Sápan
7 sæti 1050 Freddie Flintoff Heimasætan
8 sæti 1041 Páll Jónsson Rollan
9 sæti 997 Skúli Kristjánsson Simbi
10 sæti 900 Aron Ingi Svansson Stormur
11 sæti 801 Guðmundur Elíasson Ótemjan
12 sæti 740 Guðmundur Guðmundsson Harmrarinn
13 sæti 680 Bjarki Reynisson Dýrið
14 sæti 461 Guðmundur Max Jónsson Green Thunder
15 sæti 0 Jón Vilberg Gunnarsson Light foot
